Hótelin standa sig vel á TripAdvisor

TripAdvisor gaf nýlega út viðurkenningarnar "Certificate of Excellence 2018" og "Travelers’ Choice Award 2018" til þeirra fyrirtækja sem hafa hlotið góð ummæli frá sínum gestum, en viðurkenningarnar eru veittar árlega. Starfsfólk Keahótela gleðjast yfir því að fleiri hótel innan keðjunnar hljóta viðurkenningar nú en árið á undan sem er til marks um aukna ánægju gesta sem hjá okkur dvelja. 

TripAdvisor awards KeahotelsViðurkenninguna "Certificate of Excellence" fá þau fyrirtæki sem stöðugt fá góðar umsagnir og háar einkunnir frá gestum sínum í gegnum síðu TripAdvisor. Líkt og á síðasta ári hlutu Hótel Borg, Apótek Hótel, Reykjavík Lights og Storm Hótel viðurkenninguna, auk þess sem Skuggi Hotel og Hótel Kea var líka veitt "Certificate of Excellence".

"Travelers’ Choice Award for Hotels" eru verðlaun veitt til þeirra hótela sem þykja bera af í sínum flokki fyrir óaðfinnanlega þjónustu, verðgildi og gæði. Verðlaunin gefa tóninn fyrir þá upplifun sem gestir mega búast við þegar þeir bóka gistingu hjá viðkomandi hóteli og eru því góður vegvísir fyrir ferðamenn í leit að hótelherbergi. Apótek Hótel og Skuggi Hótel hlutu verðlaunin í ár auk Storm Hótel sem fær viðurkenninguna í fyrsta sinn. 

TripAdvisor er ein af stærstu ferðaheimasíðum heims sem gerir ferðamönnun kleift að meta og gefa aðilum í ferðaþjónustu einkunn byggða á eigin upplifun. Viðurkenningar líkt og "Certificate of Excellence" og "Travelers’ Choice Awards" eru því mikils virði fyrir Keahótel og góð viðurkenning á því frábæra starfi sem þar er unnið.

 

Trip Advisor Traveller´s Choice 2017 and Certificate of Excellence Keahotel Trip Advisor Traveller´s Choice 2018 and Certificate of Excellence Keahotel Trip Advisor Traveller´s Choice 2017 and Certificate of Excellence Keahotel