Skuggi Hótel opnar

Skuggi banner

Ljósmyndir Rax gegna veigamiklu hlutverki í hönnun nýjasta hótels Keahótela, Skugga Hótel, sem opnaði nýlega við Hverfisgötu í Reykjavík. Listamaðurinn Guido van Helten málaði listaverk eftir ljósmyndum Rax, Ragnars Axelssonar og er þetta í fyrsta sinn sem unnið er á þennan hátt með myndir Rax. Verkin eru unnin upp úr ljósmyndabók hans Fjallaland og prýða nú veggi í móttöku og veitingarými Skugga Hótels.

Mynd eftir Rax

“Ég er mjög stoltur af þessum myndum og hvernig þetta kemur út,” segir Rax. “Þetta heldur goðsögn myndanna á lofti og þetta kemur bara frábærlega út.”

Rax segir að hann hafi treyst Guido fullkomlega fyrir verkefninu en þeir hittust og ræddu saman áður en sá ástralski hófst handa. “Hann er auðvitað snillingur eins og hann hefur sýnt áður. Hann fékk frjálsan tauminn og útkoman er virkilega vel heppnuð.”Ekki hefur áður verið unnið með myndir frá Rax á þennan hátt. “Það hefur verið málað eftir myndunum mínum erlendis, oft meira að segja án míns leyfis. En það er gott að fá að koma að þessu í þetta skiptið.”

Guido er veggjalistamaður sem skapar út frá ljósmyndum en verk hans má sjá um allt land. Hann málaði meðal annars andslitsmyndir á veggi í Vesturbæ Reykjavíkur auk þess sem hann hefur gert verk allt frá Akureyri til Melbourne í Ástralíu þar sem hann ólst upp.

Rax er margverðlaunaður ljósmyndari og jafnframt talinn með þeim fremstu, ef ekki fremsti ljósmyndari Íslands. Hann hefur í rúman aldarfjórðung slegist í för með bændum á hálendi Íslands og myndað þá í göngum og leitum við allar mögulegu aðstæður. Útkoman birtist í bókinni Fjallaland sem kom út árið 2013.m hann ólst upp.

Skuggi Hótel er innblásið af myndum Rax frá Norðurslóðum en hann hefur unnið mörg verkefni tengdu þessu víðfeðma svæði á undanförnum áratugum. Innanhússarkitektar hótelsins, Berglind Berndsen og Helga Sigurbjarnadóttir, nýttu myndir hans sem innblástur fyrir útlitshönnun hótelsins og eru meðal annars tilvitnanir úr bókinni Fjallalandi á höfuðvegg hvers herbergis. “Það reyndist auðvelt að sækja innblástur í myndir Rax. Þær eru fjölbreyttar og spennandi og hugmyndin nýtur sín vel.” segir Berglind.

Hótelið er þriggja stjörnu og hannað með það að leiðarljósi að vera hluti af borgarmyndinni og mannlífi miðborgarinnar. Skemmtilegur bar er á móttökuhæð hótelsins sem að sjálfsögðu er öllum opinn einsog hótelið sjálft.

„Það er gott rými fyrir þessa tegund hótels á þessum stað í Reykjavík og það fellur vel inn í þá uppbyggingu sem fyrirhuguð er við Hverfisgötuna. Við vildum að hótelið yrði hluti af borgarmyndinni og iðandi mannlífi miðborgarinnar og erum stolt af niðurstöðunni,” segir Páll L. Sigurjónsson, framkvæmdastjóri Keahótela.


Skuggi opnun 1 Skuggi opnun 2 Skuggi opnun 3 Skuggi opnun 4
Skuggi opnun 5 Skuggi opnun 6 Skuggi opnun 7 Skuggi opnun 8
Skuggi opnun 9 Skuggi opnun 10 Skuggi opnun 11 Skuggi opnun 12
Skuggi opnun 13 Skuggi opnun 14 Skuggi opnun 15 Skuggi opnun 16