Skip to main content
Keahotels
Hótelin okkar

Hótel Kea

Skíða­göngu upplifun og gisting á Hótel Kea

Skemmtileg ferð með vinahópnum!
Dagsetning
Veldu dagsetningu
Gestir
2 fullorðnir

Við bjóðum einstaka skíðagönguupplifun á Akureyri í vetur!

Gisting fyrir tvo í tvær nætur með morgunverði, þriggja klukkustunda skíðagöngunámskeið á vegum Freydísar Hebu, sérsniðið fyrir byrjendur og lengra komna, ásamt 4 rétta smáréttaveislu á Múlaberg. Val á milli þriggja matseðla, með samansafni af vinsælustu réttunum.

Freydís Heba er 38 ára Ólafsfirðingur sem hefur æft og keppt á gönguskíðum frá barnsaldri og datt aftur inn í sportið fyrir fimm árum þegar hún byrjaði að æfa fyrir Landvættina. Hún hefur bæði keppt og tekið minni hópa í skíðagöngukennslu. Gestir okkar voru mjög ánægðir hjá henni síðastliðinn vetur og komust miklu færri að en vildu. Takmarkaður fjöldi í boði.

Nánar

Dagskrá

  • Innritun á föstudegi eftir kl. 15:00
  • Morgunverður á milli 07:00 og 10:00
  • Mæting á laugardegi kl. 10:00 á bílastæðið við Hamra. Skíðað í þrjár klst.
  • Byrjað verður á tækniæfingum og svo tekinn hringur um Naustaborgir og inn í Kjarnaskóg. Nánari lýsing fer eftir aðstæðum og getu hópsins. Pása tekin eftir ca. 1,5 – 2 klst. til að nærast. Mælt er með því að fólk hafi með sér einhverja orku, drykk eða stykki til að nasla í, en ekki er mælt með bakpoka nema um sé að ræða sérstakan hlaupabakpoka sem festist einnig vel að framan. Leiðbeinandi verður með meðferðis bakpoka til að geyma drykki og orkustykki en stoppað er nálægt bílastæðinu þannig að þátttakendur geta geymt sína poka í bílnum. Eftir námskeiðið er tilvalið að skella sér á Múlaberg bistro & bar í Après ski drykk
  • Kvöldverður á laugardagskvöldi kl. 20:00

Atriði sem þarf að hafa í huga

  • Viðskiptavinur þarf að mæta með eigin búnað (gönguskíði, stafi, skó og fatnað)
  • Aðstaða til að geyma skíðin er hjá okkur, þau sem eru með áburðarskíði sjá sjálf um að bera á skíðin
  • Akstur er ekki innifalinn í tilboði

Skilmálar

  • Full greiðsla er tekin 14 dögum fyrir komu. Bókun fæst ekki endurgreidd eftir greiðslu en hægt er að færa bókun 7 dögum fyrir komu, svo lengi sem laust er á umbeðinni dagsetningu.
  • Við endurgreiðum námskeiðið ef það fellur niður vegna veðurs.
  • Ef afbókun berst eftir að greiðsla hefur verið tekin er einungis hægt að fá endurgreitt í formi inneignar hjá Kea hótelum.

Fyrir nánari upplýsingar, vinsamlegast hafið samband við Hótel Kea á Akureyri í síma 460-2080 eða á netfangið kea@keahotels.is

Fyrirspurnir varðandi hópabókanir, vinsamlegast hafið samband við söluskrifstofuna okkar á netfangið sales@keahotels.is

Bættu skemmtilegri upplifun við vetrarplanið hjá vinahópnum.

Við hlökkum til að taka á móti þér!