Hótel Katla Yoga 2021

Hleðsluhelgi með yoga á Hótel Kötlu
Hlúum að okkur með Írisi Dögg í yoga og útivist í stórbrotinni náttúru milli hafs og jökuls þar sem markmiðið er að hlaða batteríin og endurnæra með yoga og útivist.

87.900 kr. fyrir tvo með morgunverði
hámark 20 manns

 
 

Innifalið

  • Gisting í tvær nætur í tveggja manna herbergi á Hótel Kötlu
  • Daglegt yoga með Írisi Dögg
  • Næringarríkur matur
    • Morgunverður, hádegisnesti fyrir göngu og kvöldverðarhlaðborð
  • Ganga í fallegu umhverfi í nágrenni Hótel Kötlu á laugardegi
  • Aðgangur að heitum útipotti alla helgina

Dagsetningar

14. - 16. janúar
28. - 30. janúar
29. apríl - 1. maí

Dagskrá

Föstudagur
  • Gestir koma á Hótel Kötlu og koma sér fyrir
  • 18:00  Yoga og djúpslökun. Hópurinn hittist og tekur ca. 90 mín yoga með það að markmiði að losa um streitu. Vinnum að því að kyrra hugann sem alltaf vill vera á fleygiferð. Hugleiðsla og djúpslökun í lokin
  • 20:00 kvöldverðarhlaðborð að hætti kokksins
Laugardagur
  • 08:30  Jöfnum orkuflæði líkamans. Öndunaræfingar, sólarhyllingar og mjúkt yogaflæði
  • 10:00  Morgunverður
  • 13:00  Út að leika. Gönguferð í nágrenni hótels í um 2-3 klst. Það er margt að upplifa á milli hafs og jökuls. Kraftar náttúrunnar eru áþreyfanlegir á svæðinu. Ef færð og veður leyfa verður farið inn í yoda hellinn við Hjörleifshöfða. Gönguferð lýkur á kakóstund í faðmi náttúrunnar og hugleiðslu. Gæðum okkur á hreinu ceremoníal kakói frá kakó.is sem er komið til okkar alla leið frá Gvatemala
  • 17:30  Sökkvum djúpt ofan í dýnuna með yin yoga og kyrrðastund
  • 20:00  Kvöldverðarhlaðborð að hætti kokksins
Sunnudagur
  • 09:00  Jafnvægi og styrkur. Endurtökum öndunaræfingar og mjúkt yogaflæði. Finnum styrkinn okkar og keyrum upp orkuna með jafnvægisstöðum. Ljúkum svo yogahelginni á góðri slökun fyrir morgunverð
  • 10:30  Morgunverður

Nánar um Írisi Dögg

Íris Dögg Oddsdóttir mun leiða ykkur þessa helgi (@yogablisss) hún er yogakennari (RYT250) og lærður leiðsögumaður með mikla ástríðu fyrir yoga og heilunarmætti náttúrunnar. Íris Dögg kynnist yoga árið 2012 og heillaðist algjörlega, árið 2018 fór hún til Rishikesh á Indlandi og lauk 200 klst. yogakennaranámi í hefðbundnu Hatha yoga, Astanga yoga og Yin yoga. Síðar bætti hún við 50 klst. sértæku Yin yoga námi. Ferðalagið er endalaust og gegnum árin hefur hún sótt þekkingu og innblástur bæði hér heima og erlendis í yogatímum og á ýmsum námskeiðum og viðburðum. Íris Dögg hefur leitt ýmskonar yogatíma í World Class og hjá Heilsuklasanum. Hún hefur elskað útivist frá barnsaldri og veit fátt betra en að komast út að leika, hvort sem það er fjallganga, fjallahjól, hestamennska eða eitthvað annað.

"Ég trúi því að hægt sé að skapa vellíðan og góða heilsu með yoga og útivist. Náttúran er töfrandi og með því að tengjast henni getum við lært að virkja orkuna innra með okkur og leyft hamingjunni að flæða í gegnum okkur."

Skilmálar

  • Ef ekki næst lágmarks þátttaka (10 manns) þá endurgreiðum við
  • Ef helgi fellur niður vegna sóttvarnaraðgerða endurgreiðum við
  • Greiðslu er hægt að nýta sem inneign fyrir önnur tilboð eða gistingu hjá Keahótelum, ef afbókað er með 7 daga fyrirvara
  • Hámark 20 manns

Fyrir nánari upplýsingar, vinsamlegast hafið samband við Hótel Kötlu Vík í Mýrdal í síma 487 1208 eða á netfangið katla@keahotels.is

Bættu skemmtilegri upplifun við fyrir þig, á nýju ári.

Við hlökkum til að taka á móti þér.